Sigrid Håvardsdatter Strand

Etterslekt for personar fødde på Sjurebruket 1. Slekta før 1800.

Dei dyrka si jord og levde sitt liv

Når vi går til kjeldene og skal finne fram til røtene våre, så vil dei ofte kome bort for oss når vi kjem 2 - 3 hundre år attende. Er vi heldige så finn vi namnet til leiglendingsbonden som brukte garden, men har han ikkje fare alt for gale åt i sitt liv så han ikkje er komen inn i rettsprotokollane, eller han ikkje har vorte utkommandert i dei mange krigane som Danmark - Noreg hadde i den tida, er det vanskeleg å finne noko meir enn namnet på brukaren. Kona og borna har for det meste kome bort i mørkret for godt. Ein har og protokollane for skifte og bygslekontrakter, men det er ikkje så godt å finne ut av det som står der.