Dina Karolusdtr. Marså

Etterslekt for personar fødde på Sjurebruket 7. Nedreberg

Nedreberg (gardsnr 48 bruksnr 1 i Stryn) er ein gamal slektsgard, og Per Johnson har ættediplom av Norges Bondelag. Han er 12. generasjon av slekta som har vore brukarar og eigarar av denne garden. Alt frå det første vi høyrer om garden, var det bondegods, og brukarane har vore eigarar. Bestefaren Peder Jonson var gift med Helga Eriksdtr. Ulvedal. Ho skal vere av den mektige Randaætta som er kjend attende til Jon Simonson Rand som døde før 1490, og han seiest å vere ætta frå Audun Hugleikson (Hestekorn). Sonen deira, Jon Pederson, var gift med Ragnhild Jonsdtr Ytre(r)Eide. Dei dreiv garden godt fram, og dei bygde stort nytt våningshus i si styringstid. John hadde ymse tillitsyrke i kommunen.

7.1 Diana Karolusdtr. Marså (1897 (r) 1946)

Per Johnson (1886 (r) 1973) har ved giftarmålet med Dina Karolusdtr. Marså kome saman med Framigardslekta på Rake og Sjureslekta i Loen. Per gjekk Voss folkehøgskule, og han kom tidleg med i arbeidet i ungdomslaget. I 20 år var han kasserar og med i styret for Firda Ungdomslag. I lang tid var han med i Stryn kommunestyre, og ordførar i fleire bolkar. Han hadde og mange tillitsyrke m.a. formann i forliksrådet, formann i elektrisitetsverket i Stryn, formann i vegnemnda og formann i Sunnfjord og Nordfjord fiskeristyre.

Mykje av si tid ofra han på det kommunale arbeidet, men livsyrket hans det var å vere bonde på Nedreberg. Han ogDina har etter at dei tok over garden i 1922 hatt stor framgang på garden. Det vart dyrka jord og det vart planta frukttre, og garden ligg lagleg til for fruktdyrking. Far til Per hadde og stor interesse for frukt, og han var med i dei første frukt(r) og grønsakutstillingane i distriktet med fint resultat. Då dei fekk elektrisk kraft i 1920 sette Per opp ei sirkelsag på Lindset. Der kunne han sage tømmer frå eigen skog og take mot sagetømmer frå andre. Per og Dina hadde 2 born: John og Kåre.

7.1.1 John Person Nedreberg (1922)

John har gått Fjordane folkehøgskule på Nordfjordeid, og Mindresunde jordbruksskule i Stryn. Han gifte seg med Ragna Eliasdtr. Strand (1925). Ragna har gått Nordfjord Folkehøgskule på Vereide. På garden har dei hatt ymse forbetringar på stovehuset, og halde fram med å plante frukttre. Han har og planta mykje skog. I 1976 ordna han det slik at han fekk mjølketank til gards. Jon har vore interessert i song og musikk, og han har vore med i Stryn mannskor sidan 1966, og han har vore organist i Randabygda kapell, og i Loen kyrkje. Dei har 4 born: Per Dag, Eivind Kjell, Terje Jan og Inge Odd.

Per Dag Nedreberg (1951) har gått handelsskule på Nordfjordeid og Langvin Jordbruksskule i Innvik. Han·arbeidde i 2 år i Askvoll jordstyrekontor. Gjekk 4 å på Næringsmiddel-tekniske skule i Trondheim. Han er no pølsemakar ved Vestlandske Salslag i Bergen. Han er gift med Olaug Hovland (1956) frå Eikefjord i Sunnfjord. Ho er hjelpepleiar i Bergen. Dei bor i Åsane og har 2 born: Jon Eirik (1977) og Helge (1980).

Eivind Kjell Nedreberg (1952) har gått handelsskule på Nordfjordeid. Han arbeider no som servicemann på Mobile bensinstasjon i Stryn. Han er gift med Åse Eide (1956) frå Ellingsøy. Ho har gått realskule og arbeider på hotel Alexandra i Loen. Dei har 2 born: Mai Rita (1976) og Frode (1979).

Terje Jan Nedreberg (1955) har gått 2 år på Stend jordbruksskule. Han arbeider no på heimegarden, og skalverte den nye bonden på Nedreberg

Inge Odd Nedreberg (1959) har gått yrkesskule i Stryn og arbeider på Humlen i Stryn.

7.1.2 Kåre Person Nedreberg (1928)

Kåre er son til Dina og Per Nedreberg. Han gjekk realskule i Stryn. Han er no radiotelegrafist i Oslo. Han er gift med Else Johansen (1927). Dei kjøpte seg hus og bor i Drøbak. Dei har 2 born: Per Sigve (1958) og Bjørn (1960).