Elisabet Larsdatter Rake

Etterslekt for personar fødde på Sjurebruket 4.2 Borna til Lisabet og Elias Rake

4.2.5 Slekta i Oslo (Ola).

Ola Eliasson Rake (1915) hadde sers hug til å gå skulevegen, men det var økonomiske vanskar som stengde. Det ordna seg likevel slik at han fekk reise til Firda Gymnas på Sandane, og der tok han eksamen med godt resultat. Sidan utdana han seg til tannlekjar, og tok til som tannlekjar i Stryn. Det gav han midlar til å reise til universitetet i Oslo og utdane seg til lækjar, og sidan tok han spesialutdaning i kjevekirurgi. Han vart assisterande overlege ved kjevekirurgisk avdeling ved Ullevål sykehus.

Med sine gode evner og energiske arbeid kom han seg vel fram, og han vart til hjelp og føredøme for den evnerike søskenflokken sin. Mange av dei har reist på skule for å få lærdom og utdaning.

Ola vart gift med Kjellaug Rasmusdtr. Yri (f. 1918). Ho har teke eksamen på handelsgymnas, og sidan utdana seg til Røde Kors søster. I tillegg til å vere husmor arbeidde ho på deltid som sjukepleiar ved Grefsenhjemmet Sykehus.

Ola og Kjellaug har adoptert Olav Rake (f. 1958). Han har gått bilmekanikarlinja, og var tilsett som bilmekanikar ved eit privatfiram i Oslo. Han er gift med Elisabet Nordheim (f. 1959). Ho har studert filologi ved Universitetet i Oslo.

Ola og Kjellaug har no bygt hus i Olden og har flytta dit. Adoptivsonen Olav og hans familie har overteke heimen på Grefsen i Oslo.