Ole Simonsen Muri

Etterslekt for personar fødde på Sjurebruket 6. Kolbeinsbruket på Rake

6.3 Borna til Kristina og Ola S Rake

I tillegg til Sverre som overtok Kolbeinsbruket, hadde Kristina og Ola desse borna som reiste ut: Ruth, Erna, Solfrid, Kristi, Kåre og Bergit.

Ruth Olsdtr. Rake (1926)

Ruth er gift med Knut Edvardson Brynestad (1924). Knut er gardbrukar på Knutebruket, bnr. 6 på Brynestad, og han har bygt nytt stovehus på bruket. Han driv eit stort grustak der dei leverar grus og støypesand. Han har maskinar til arbeidet og køyrer med to varebilar. Ruth er husmor og har vore interessert med i fleire organisasjonar i bygda. Knut har vore formann i Olden Ungdomslag og leikleiar i Firda Ungdomslag

Erna Olsdtr. Rake (1928)

Erna er husmor. Ho er gift med Eivind Buvald Heggedal (1929). Eivind er transportsjef på Dikemark sjukehus. Dei bor ved Oslo. Dei har 3 born: Jørgen (1959), Einar (1962) og Martin (1962).

Solfrid Olsdtr. Rake (1929)

Solfrid er gift med Alf Hansen (1928). Alf har artium, Gøteborg Tekniske skule og utdaning frå Varwichire universitet of tacologi i England. Han er sivilingeniør. Solfrid er utdana sjukesøster. Dei bor i Oslo. Dei har 3 born: Jens (1959), Marit (1962) og Sissel (1964).

Kristi Olsdtr. Rake (1932)

Kristi er husmor. Ho er gift med Karstein Nesje (1933). Karstein er vegoppsynsmann i Statens Vegvesen. Han er med i kommunestyret og har vore varaordførar. Dei bor på Melheimhaugen i Olden og dei har 4 born: Atle (1956), Eli (1957), Ola (1958) og Kjell (1960)

Eli er gift med Norvald Nedrebø. Han er bilmekanikar og dei bor på Skei i Jølster. Dei har eitt barn: Geir (1979).

Kåre Olsson Rake (1935)

Kåre er maskinførar hos Statens Vegvesen. Han har hatt ymse tillitsyrke i idretten og kommunale nemnder. Han har fått bustadtomt av farsgarden og bygt hus i Solvik. Han er gift med Jenny Flo frå Bryggja (1933). Jenny arbeider på Hotel Alexandra ved sida av at ho er husmor. Dei har 5 born: Odd (1955), Sigmund (1958), Kjell (1962), Ingun (1963) og Janne (1971).

Sigmund er gift med Marit Løvlid (f.1959)

Bergit Olsdtr. Rake (1937)

Bergit er gift med Konrad Mossefinn (1936). Konrad har ei styrarstilling ved Televerket i Oslo og Bergit arbeider i telegrafen. Dei har bygt hus og bor i Kolbotn ved Oslo. Dei har 2 born: Conni (1955) og Konrad Emil (1957)