Karoline Karolusdatter Marså

Etterslekt for personar fødde på Sjurebruket 5. Marsåslekta

5.2 Brite Arentsdtr. Rake (1848-1937).

Med giftarmålet mellom Karolus Anderson Marså (1846 - 1926) og Brite kom Framigardsslekta på Rake og dermed Sjureslekta i Loen inn i Marsåslekta. Det vart etter kvart ein stor huslyd på Marså. Dei fekk 11 born som vaks opp og ein som døde som barn. Det vart mang ein hard arbeidsdag i skog og mark for Karolus og Brite. Karolus tok mykje av livberginga frå skogen. Kvar vinter var han i skogen og skaffa byføring av famneved av bjørk. I ruskever og om vinterkveldane var det å smie bunte-hatleband. Om våren var det å reise til Bergen med jekt og selje veden og banda, og smør og andre jordbruksvarer. Etter mange år vart han noko lut i herdane av arbeidet. Brite var og den som med sitt gode humør kunne få arbeidet til å gå unna. Det var 6 gutar og 5 gjenter som vaks opp. Av døtrene var det berre Malene som for til Amerika. Hofekk tuberkulose og kom heim og døde heime.

Alle 6 gutane for til Amerika, og dei vart verande der borte. Dei fleste fekk seg farmar, og alle slo seg godt fram i den nye verda. Den eldste dottera gifte seg med Simon Olsen Rake, og dei overtok Kolbeinsbruket på Rake. Dina var den yngste og ho gifte seg med Peder Jonson Nedreberg. Dei bodde på farsgarden hans Nedreberg, og han var ordførar i Stryn kommune. Elisabet døde 16 år gamal. Ho var fødd i 1885 og døde i 1902. Namna på alle borna som vaks opp var: Anders, Arent, Rakel, Johan, Malene, Lars, Elisabet, Peder, Karoline, Alfred og Dina