Elias Olson Rake

Etterslekt for personar fødde på Sjurebruket 4.2 Borna til Lisabet og Elias Rake

4.2.1 Slekta Hammer i Invik (Pernille).

Pernille Oline Eliasdtr. Rake (1908) vart gift med Toralf Hammer (f. 1904). Ho har gått husstellskulen i Stryn og eit kurs i kjolesaum. Toralf har gått i snikkarlære, og arbeidde ei tid som bygningsmann. Dei overtok garden på Heggdal i 1933. Våningshuset var bygd i 1885, og det har dei modernisert frå kjellar til loft. Ny driftsbygning bygde dei i 1967. Garasje med verkstad vart bygd i 1975, og ei smie vart bygd i 1973. Mykje av jorda har vorte nydyrka i deira tid, ca. 20 dekar. Dei har 4 born: Oddlaug Herdis, Herleif Olav, Erling Asbjørn og Liv Malmfrid.

Oddlaug Herdis (1929) er fagsekretær ved Heibergs Museum i Kaupanger. Ho har eksamen i historie frå distriktshøgskulen i Sogndal. Ho er gift med Richard Hilde (1932). han er disponent for Sogndal samyrkelag. Dei har bygt seg hus i Sogndal.

Herleif Olav (1931) har gått Langvin jordbruksskule, og er no brukar på heimegarden på Heggdal.

Erling Asbjørn (1934) har gått Bergens Tekniske skule i 1959, og Norges tekniske høgskole i Trondheim. Han er sivilingeniør og er professor i fysikk ved universitetet i Bergen. Han er gift med Ingrid Berdal (f. 1932). Ho er sjukepleiar. Dei har 2 born: Randi og Lisbeth.

Liv Malmfrid (1934) er gift med Gunnar Tunsberg. Han er banereperatør på Norges Statsbaner, og dei bur i Flåm. Dei har 3 born: Tor Inge, Helge og Ann Elin.