Elias Olson Rake

Etterslekt for personar fødde på Sjurebruket 4.2 Borna til Lisabet og Elias Rake

4.2.2 Slekta i Solvik (Malene).

Malene Eliasdtr. Opheim (1908) gjekk Nordfjord Folkehøgskule på Vereide, og ho har gått vevkurs. Ho vart gift med Ragnvald Johannesson Opheim (f. 1907). Han har gått kurs i fruktdyrking og snikkarkurs. Dei fekk skøyte på Lundestad gnr. 82 bnr 19, fråskilt frå Framigardsbruket. Dei tok til som bureisarar og bygde både lade og våningshus. Mykje av garden har dei dyrka, og halve garden er utplanta med frukttre. Dei har 3 born: Irene, Atle og Jostein.

Irene (1935) er utdana sjukesøster. I 1960 reiste ho til Amerika, og vart gift med Teodor Kreuser (f. 1937). Han er kjemiingeniør. Dei bur i Woodbury Minnesota. Dei har 3 born: Teodor (1967), Ingrid Marie (1970) og Anne Cathrine (1973).

Atle (1936) har gått hagebruksskule i Ulvik og Norges landbrukshøgskole på Ås. Han er no disponent for Møre og Romsdal eggsentral. Han er gift med Tordis Blytt, Vallevåg i Sunnhordland (f. 1936). Ho har gått realskule og hagebruksskule. Ho er sjukepleiar og husmor. Dei har 3 born: Grete (1959), Marit (1960) og Ragnhild (1970).

Jostein (1937) har gått Firda gymnas og teknisk skule i Gøteborg. Han er no avdelingsingeniør på teknisk kontor i Stryn. Han fekk skøyte på Lundestad i 1976, og har bygt nytt kårhus der. Han er gift med Laila Bjørnstad frå Eidsberg (f. 1938). Ho er husmor. Dei har 2 born: Wenche (1967) og Leif Runar (1968).