Bødal

Bygdesoga for Innvik og Stryn. Gardane 77 Bødal

Bruka

Myklebø vart tidleg bytt i mange einskilde bruk, som vi får vite namn på av gamle mellomalderskjelder. Dei nemner Gerdisjord, Kleppalut, Karildarlut, Breidsjord, Bakkatun, Fantun og Midtun. Alle desse bruka, som truleg då låg i kvar sitt einskilde tun, er nemnde i første bolken av 14. år- hundre. Av desse namna er det no att berre eitt, Gerdisjord, som truleg er det same som Gerdstun no. Kleppalut trur dei er det bruket som Lasse no har, nr. 6. Her synte tufter føre utskiftninga. Etter segna hadde dei geitene sine i Storelia, ræste dei gjennom eit hål i fjellet. Der slo dei mykje høy som dei firde ned til vatnet. Om Kariåkeren har høyrt til Karildarlut er vel uvisst.

Brukartalet gjekk sterkt ned i siste bolken av mellomalderen. I 1520 har garden berre to brukarar, i 1563 tre, men i 1602 ni og i 1610 ti brukarar. I første bolken av 1600-årstalte hadde bruka denne storleiken: Eitt var 4 1/2 pd., eitt 3 pd., eitt 2 3/4, pd., eitt 1 3/4 pd., fem var 1 1/2 pd. kvart og eitt berre 18 mk. Dessutan låg ein part på 18 mk. til Raudi. I 1700årstalet gjekk brukartalet ned til ni og sidan ned til sju. Etter segna låg to bruk på Hauane, eitt gjekk saman med nr. 5, eitt med nr. 6. Dei to Haugebruka og Gjerstun skulle vere eldste bruka, seier ei anna segn. Eiriksbruket låg ei tid øyde av di mannen her drap mannen på Lassebr. (nr. 6) i eit lag og rømde, seier segna.