Ole Bernhard Andreasson Loen

Det var deira draum. Diktsamling Diktsamlinga Deira draum

PÅ LEIT ETTER STADER

Eg lengtar etter stader
eg aldri har sett.
Det var som noko venta meg
der eg aldri kom.
Kva kunne eg finne
som eg ikkje hadde før?

Her kjem folk frå
heile verda
for å sjå det som
eg ser dagleg.

Er det slik
dei og har det,
dei som eg?

Her skulle ho kanskje
ha levt sitt liv
ho som kom frå Sveits
og ville kjøpe seg gravstad her.
Ho vart likevel borte
i myldret av
menneske som kom og for.

Er det kanskje
slik med meg og?
Eg ville ha kome
bort frå meg sjølv
om eg hadde reist
på leiting etter
den staden eg aldri fann.