Ole Bernhard Andreasson Loen

Det var deira draum. Diktsamling Diktsamlinga Deira draum

Det følgjer von
med ein komande dag,
ei ny solrenning,
ein grøn spire
i vårvarm jord,
og eit nyfødd
menneskebarn.

Vakning og vokster
skaper glede i barm.
Knuppar som opnar seg,
blomar som lyser,
rikare moning,
liv som ber frukt.

Voner er vengjer,
kjærlege vengjer
kring alt som skal bli.
Ingen veit dagen
kva han vil gje.
Allting kan hende
allting kan skje.