Ole Bernhard Andreasson Loen

Det var deira draum. Diktsamling Diktsamlinga Deira draum

DU TOK IKKJE ROMET FRÅ ANDRE

Hytta di låg
inn ved fjellhamaren,
den du berga foret
inn under.
Det bar du på ryggen
frå øvste fjellskåra,
der ingen andre
såg seg syn med
å hente vinterforet.

Du tok ikkje
romet frå andre,
og du fekk sete
nedst ved bordet.

Du berga då fram
borna dine,
til dei berga seg sjøl.

Ein vart diktar
og ein skomakar,
og døtrene vart
farmarkoner i Dakota.