Ole Bernhard Andreasson Loen

Det var deira draum. Diktsamling Diktsamlinga Deira draum

BERRE EIN AV DEI TI ER NOK

Han stod på
den gamle tunhella
og såg mot uthuset
med åker og eng ikring.
Det var i dag det skulle hende.
Dei skulle hente han no
med bil.

Du skal ikkje gå her
i armoda og einsemda,
sa dei til han.
Du har gjort ditt,
du skal få det godt no,
på "Heimen".

Han hugsa det han sa
til kona då ho skulle
fare bort:
Det vart berre
fattigdom og slit du fekk
her all din dag.

Då sa ho:
Eg har aldri vore fattig
her hjå deg, eg.
Gud gav oss ti bom,
var ikkje det ein stor rikdom?
Og då eg kom her til
gav du meg rådvelde
over alt ditt.

Han hugsa vel borna han?
Dei smurde solskin på brødet,
vaks og vart store.
No er dei borte.
Alle.

Her må han vere å finne
Om nokon kjem heim.
Her har dei vore
son etter far i mange hundre år.
Huset må ikkje vere stengt
og folket borte nor dei kjem
Om det så er
berre ein av dei ti.