Ole Bernhard Andreasson Loen

Det var deira draum. Diktsamling Diktsamlinga Deira draum

SOLARGLAD

Når sola seig og dala
i mot eit solarfall
då milde vindar svala
di heite panna skal.
Ein arbeidsdag er ende
du skal snart gå til ro,
frå alt det strev du kjende
du skal få kvila no.

Men både strev og møde
la farge på din dag,
fekk livet til å gløde
med varme hjarteslag.
Så mange tunge stunder
dei røynde på dit mod,
men ny kraft som eit under
fekk gjere dagen, god.

Ein dag med sorg og glede,
ein dag i kamp og strid,
du har arbeidt og bede
og no er alt forbi.
Du ingen meir skal femne
og ingen treng dei hand,
alt kjært som du kan nemne
skal slita alle band.

Men nett når sola gøymer
sitt auga bak om fjell
på himmelkvelven strøymer
så vent eit fargespel.
Er det eit bod om dagen
vi ventar bak om sky?
den fagre Endenshagen
som bløma skal på ny.